Die papiergroep Sappi het in die kwartaal tot einde Junie ’n verlies van $42 miljoen gely, vergeleke met ’n verlies van $106 miljoen in dieselfde kwartaal verlede jaar.
Indien spesiale items, soos die koste van ’n brand by een van sy Suid-Afrikaanse plantasies, uitgesluit word, het die groep ’n bedryfswins van $8 miljoen (vergeleke met $60 miljoen verlede jaar) behaal.
Die mark in Europa het die afgelope kwartaal verder verswak en daarom beplan die groep nou om “aansienlike kapasiteit” op daardie vasteland te sluit. Dit behoort sy koste te verlaag en bedryfsmarges te verbeter.
Sappi verwag dat sy Europese bedrywighede ’n bedryfsverlies in die vierde kwartaal sal ly, wat daartoe sal bydra dat die hele groep ’n “klein netto verlies” vir die hele finansiële jaar sal aanteken.
Die resultate vir die jaar sal ook benadeel word deur die koste van herstrukturering.
Sappi verwag nie enige groot prysverhogings in sy belangrikste papierprodukte nie.
Indien spesiale items, soos die koste van ’n brand by een van sy Suid-Afrikaanse plantasies, uitgesluit word, het die groep ’n bedryfswins van $8 miljoen (vergeleke met $60 miljoen verlede jaar) behaal.
Die mark in Europa het die afgelope kwartaal verder verswak en daarom beplan die groep nou om “aansienlike kapasiteit” op daardie vasteland te sluit. Dit behoort sy koste te verlaag en bedryfsmarges te verbeter.
Sappi verwag dat sy Europese bedrywighede ’n bedryfsverlies in die vierde kwartaal sal ly, wat daartoe sal bydra dat die hele groep ’n “klein netto verlies” vir die hele finansiële jaar sal aanteken.
Die resultate vir die jaar sal ook benadeel word deur die koste van herstrukturering.
Sappi verwag nie enige groot prysverhogings in sy belangrikste papierprodukte nie.