Publications
Partners
Bloemfontein. – In ’n jaar waarin die spesialis-padbouer Raubex te kampe gehad het met bitumentekorte, onsekerheid oor die tolstelsel en groot druk op winsmarges, het hy ’n ongewone sakebesluit geneem.
Hy het afgewyk van sy sakemodel, wat streng op padbouwerk fokus, en ’n filiaal, Raubex Infra, gestig wat infrastruktuur vir hernieubare energie, huisvesting, telekommunikasie en pypleidings bou.
Dit was die regte besluit, sê Rudolf Fourie, uitvoerende hoof van Raubex, wat gister sy jaarresultate vir die boekjaar tot 28 Februarie aangekondig het.
Die nuwe afdeling se bestelboek staan reeds op R768 miljoen. Sy bedryfsmarge van 2,3% is egter kleiner as dié van die padbou-filiale. Die kleiner risiko vergoed egter hiervoor.
Raubex het ook bekend gemaak dat hy ’n ooreenkoms met die Mededingingstribunaal bereik het in dié se ondersoek na samespanning in die konstruksiebedryf. Dit moet nog bekragtig word, maar hiervolgens sal die maatskappy ’n boete van R58,8 miljoen betaal.
Hy het reeds in dié boekjaar vir die boete voorsiening gemaak, wat beteken dat sy bedryfswins 9% laer was op R483,8 miljoen as ’n jaar tevore. Daarsonder sou die bedryfswins 2% hoër gewees het.
Ebrahim Patel, minister van ekonomiese ontwikkeling, het vroeër gesê byna 300 sake van samespanning in die konstruksiebedryf word ondersoek. Samesprekings oor skikkings is aan die gang tussen die tribunaal en 18 konstruksiemaatskappye, insluitend die top-ses.
Fourie is “versigtig optimisties” dat die konstruksiebedryf nou ’n keerpunt bereik het en die vooruitsigte vir die jaar meer stabiel lyk.
“Die gehalte van ons bestelboek is byvoorbeeld baie beter as verlede jaar hierdie tyd s’n – dit is R5,2 miljard teenoor R4,6 miljard.”
Fourie sê die bitumentekort knou steeds die padbousektor, maar Raubex se planne om bitumen in te voer en by sy groter bergingsgeriewe te hou, het sy probleme opgelos.
Die onsekerheid oor die regering se tolbeleid plaas steeds ’n demper op die padbousektor.
Fourie sê dit is dringend dat die regering ’n oplossing vir die tolprobleme verskaf.
“Ons fiskus het nie die vermoë om vir nuwe paaie te betaal nie. Die enigste ander manier om dit te finansier, is as die verbruiker betaal.”
Hy het afgewyk van sy sakemodel, wat streng op padbouwerk fokus, en ’n filiaal, Raubex Infra, gestig wat infrastruktuur vir hernieubare energie, huisvesting, telekommunikasie en pypleidings bou.
Dit was die regte besluit, sê Rudolf Fourie, uitvoerende hoof van Raubex, wat gister sy jaarresultate vir die boekjaar tot 28 Februarie aangekondig het.
Die nuwe afdeling se bestelboek staan reeds op R768 miljoen. Sy bedryfsmarge van 2,3% is egter kleiner as dié van die padbou-filiale. Die kleiner risiko vergoed egter hiervoor.
Raubex het ook bekend gemaak dat hy ’n ooreenkoms met die Mededingingstribunaal bereik het in dié se ondersoek na samespanning in die konstruksiebedryf. Dit moet nog bekragtig word, maar hiervolgens sal die maatskappy ’n boete van R58,8 miljoen betaal.
Hy het reeds in dié boekjaar vir die boete voorsiening gemaak, wat beteken dat sy bedryfswins 9% laer was op R483,8 miljoen as ’n jaar tevore. Daarsonder sou die bedryfswins 2% hoër gewees het.
Ebrahim Patel, minister van ekonomiese ontwikkeling, het vroeër gesê byna 300 sake van samespanning in die konstruksiebedryf word ondersoek. Samesprekings oor skikkings is aan die gang tussen die tribunaal en 18 konstruksiemaatskappye, insluitend die top-ses.
Fourie is “versigtig optimisties” dat die konstruksiebedryf nou ’n keerpunt bereik het en die vooruitsigte vir die jaar meer stabiel lyk.
“Die gehalte van ons bestelboek is byvoorbeeld baie beter as verlede jaar hierdie tyd s’n – dit is R5,2 miljard teenoor R4,6 miljard.”
Fourie sê die bitumentekort knou steeds die padbousektor, maar Raubex se planne om bitumen in te voer en by sy groter bergingsgeriewe te hou, het sy probleme opgelos.
Die onsekerheid oor die regering se tolbeleid plaas steeds ’n demper op die padbousektor.
Fourie sê dit is dringend dat die regering ’n oplossing vir die tolprobleme verskaf.
“Ons fiskus het nie die vermoë om vir nuwe paaie te betaal nie. Die enigste ander manier om dit te finansier, is as die verbruiker betaal.”
