Kaapstad. – Silwerjuweliersware laat NWJ se verkope vonkel ten spyte van die druk op verbruikersbesteding – of juis as gevolg daarvan. Mense soek steeds waarde weens die gedempte ekonomiese omgewing, sê Carlo Gonzaga, uitvoerende hoof van Taste Holdings. Gevolglik is silwerjuweliersware gewilder as duurder produkte. Die waarde per transaksie kan wel minder wees, maar meer verkope is moontlik.
NWJ se stelselwye verkope was in die ses maande tot einde Augustus 2013 12% stewiger as dié van ’n jaar tevore.
Volgens Gonzaga ondervind die groep dat die verkope van juweliersware van 18 karaat goud toeneem, hoewel dit duur is.
Hy is versigtig optimisties oor NWJ se verkope in die res van die boekjaar. Histories maak dié afdeling tussen 70% en 75% van sy jaarlikse bedryfswins in die tweede helfte van die jaar en is hy uiters afhanklik van Kersverkope vir sy vertoning.
Die verbetering in Taste se wins uit NWJ hou ook daarmee verband dat nog agt franchises nou onder korporatiewe bestuur is. Die groep het franchises oorgeneem omdat verskeie in die boekjaar tot Mei 2012 moes toemaak toe NWJ, die derde grootste juwelier in die land, gesukkel het.
Tans behoort 29 van die 74 NWJ-takke aan die maatskappy. Volgens Gonzaga beteken dit nie dat dit ’n korporatief bestuurde afdeling gaan word nie – dit sal steeds franchise-gerig wees.
Vir Taste, wat Maxi’s, Scooters Pizza en St Elmo’s in sy stal het, lê die toekoms nog sterk in vis en skyfies en hy beplan om The Fish & Chip Co.-takke uit te brei.
In samewerking met Brimstone Investment Corporation en Nedbank is ’n finansieringsplatform geskep vir diegene wat nie die sekuriteit het om self ’n lening vir ’n franchise aan te gaan nie.
So kan na raming 50 kitskos-franchises oopgemaak word wat ’n groot rol speel in die groep se doelwit om vanjaar 100 nuwe takke oop te maak.
Taste se wesensverdienste per aandeel het in die ses maande tot einde Augustus met 27% tot 5,7c gestyg.
NWJ se stelselwye verkope was in die ses maande tot einde Augustus 2013 12% stewiger as dié van ’n jaar tevore.
Volgens Gonzaga ondervind die groep dat die verkope van juweliersware van 18 karaat goud toeneem, hoewel dit duur is.
Hy is versigtig optimisties oor NWJ se verkope in die res van die boekjaar. Histories maak dié afdeling tussen 70% en 75% van sy jaarlikse bedryfswins in die tweede helfte van die jaar en is hy uiters afhanklik van Kersverkope vir sy vertoning.
Die verbetering in Taste se wins uit NWJ hou ook daarmee verband dat nog agt franchises nou onder korporatiewe bestuur is. Die groep het franchises oorgeneem omdat verskeie in die boekjaar tot Mei 2012 moes toemaak toe NWJ, die derde grootste juwelier in die land, gesukkel het.
Tans behoort 29 van die 74 NWJ-takke aan die maatskappy. Volgens Gonzaga beteken dit nie dat dit ’n korporatief bestuurde afdeling gaan word nie – dit sal steeds franchise-gerig wees.
Vir Taste, wat Maxi’s, Scooters Pizza en St Elmo’s in sy stal het, lê die toekoms nog sterk in vis en skyfies en hy beplan om The Fish & Chip Co.-takke uit te brei.
In samewerking met Brimstone Investment Corporation en Nedbank is ’n finansieringsplatform geskep vir diegene wat nie die sekuriteit het om self ’n lening vir ’n franchise aan te gaan nie.
So kan na raming 50 kitskos-franchises oopgemaak word wat ’n groot rol speel in die groep se doelwit om vanjaar 100 nuwe takke oop te maak.
Taste se wesensverdienste per aandeel het in die ses maande tot einde Augustus met 27% tot 5,7c gestyg.