Publications
Partners
Kaapstad. – Truworths se goeie modekeuses lok steeds kopers en verseker gesonde groei. Van daardie einste kopers se swak skuldgeskiedenis kan die klerekleinhandelaar egter op die loopplank laat struikel.
Die groep se bruto marge het in die 26 weke tot einde Desember tot ’n rekord van 57,1% gestyg. Terselfdertyd het sy markaandeel volgens die Retail Liaison Committee verstewig – vir vroueklere van 23,5% tot 23,9% teen einde Desember en vir mansklere van 20% tot 22,4%.
Volgens ontleders is Truworths se vermoë om goeie mode- en produkkeuses te maak, die grondslag van sy goeie syfers.
Michael Mark, uitvoerende hoof, stem saam. “Die groei in kleinhandelverkope en die bruto marge weerspieël die sukses van ons produkstrategieë om in die vraag van klante te voorsien.”
Truworths se tussentydse dividend is 21% stewiger en die verwaterde wesensverdienste per aandeel byna 20% hoër.
Imara SP Reid meen dis ’n goeie vertoning deur ’n goeie maatskappy, maar hy kan toenemend mededinging verwag. Voorts is die sentiment oor plaaslike kleinhandelaars en ongesekureerde krediet nie baie goed nie.
Truworths se skuldboek het in die ses maande met 15,8% tot R4,5 miljard gegroei. Die netto swak skuld as ’n persentasie van die skuldboek is hoër op 9,3% (van 8,0%). Mark verwag dat dit die groei in rekeninge en terugbetalings gaan raak en streng kredietbeleid word toegepas.
Hoewel swak skuld onsekerheid meebring, ondersoek Truworths uitbreidingsgeleenthede.
Mark Sardi, finansiële hoof, sê goeie groei kan op lang termyn in Afrika verwag word. Van sy 591 winkels is 40 elders in Afrika, in onder meer Botswana, Nigerië, Lesotho, Zambië, Mauritius, Ghana en nou ook Angola.
Volgens Imara kan die aandeel fundamenteel as ’n “hou”-aandeel beskou word, maar swak sentiment jeens die kleinhandelsektor kan op kort termyn dié beskouing raak.
Die groep se bruto marge het in die 26 weke tot einde Desember tot ’n rekord van 57,1% gestyg. Terselfdertyd het sy markaandeel volgens die Retail Liaison Committee verstewig – vir vroueklere van 23,5% tot 23,9% teen einde Desember en vir mansklere van 20% tot 22,4%.
Volgens ontleders is Truworths se vermoë om goeie mode- en produkkeuses te maak, die grondslag van sy goeie syfers.
Michael Mark, uitvoerende hoof, stem saam. “Die groei in kleinhandelverkope en die bruto marge weerspieël die sukses van ons produkstrategieë om in die vraag van klante te voorsien.”
Truworths se tussentydse dividend is 21% stewiger en die verwaterde wesensverdienste per aandeel byna 20% hoër.
Imara SP Reid meen dis ’n goeie vertoning deur ’n goeie maatskappy, maar hy kan toenemend mededinging verwag. Voorts is die sentiment oor plaaslike kleinhandelaars en ongesekureerde krediet nie baie goed nie.
Truworths se skuldboek het in die ses maande met 15,8% tot R4,5 miljard gegroei. Die netto swak skuld as ’n persentasie van die skuldboek is hoër op 9,3% (van 8,0%). Mark verwag dat dit die groei in rekeninge en terugbetalings gaan raak en streng kredietbeleid word toegepas.
Hoewel swak skuld onsekerheid meebring, ondersoek Truworths uitbreidingsgeleenthede.
Mark Sardi, finansiële hoof, sê goeie groei kan op lang termyn in Afrika verwag word. Van sy 591 winkels is 40 elders in Afrika, in onder meer Botswana, Nigerië, Lesotho, Zambië, Mauritius, Ghana en nou ook Angola.
Volgens Imara kan die aandeel fundamenteel as ’n “hou”-aandeel beskou word, maar swak sentiment jeens die kleinhandelsektor kan op kort termyn dié beskouing raak.
