Publications
Partners
Kaapstad. – Rokkies wil sy dra en almal kyk daarna – veral by Truworths se Identity en LTD.
Die Truworthsgroep het sy aandeel van die vroue- en manskleremark vergroot en ook twee mylpale bereik: Sy kleinhandelverkope het die R10 miljard-kerf verbygesteek en die getal winkels is verby die 600-kerf.
Soos verwag, het die taai kredietomgewing egter Truworths se handel geknou.
“Ons verwag nie dat die kredietomgewing in die komende jaar gaan verbeter nie. Dit gaan steeds druk op rekeninggroei en kredietverkope plaas,” sê Michael Mark, uitvoerende hoof.
Abdul Davids, hoof van navorsing van Kagiso Batebestuur, verduidelik dat kredietkleinhandelaars soos Truworths nou die wind van voor kry, want kredietverkope plat af. In die verlede het dié kleinhandelaars tussen 90% en 100% van hul groei daaraan toegeskryf.
In die oorsigjaar het Truworths se skuldboek met 11% tot R4,2 miljard gegroei.
Sy netto swak skuld as ’n persentasie van die skuldboek het tot 10,4% (7,9%) geklim en sy handelsuitgawes was 16% meer, hoofsaaklik weens debiteurskoste weens die swakker kredietomgewing.
Kredietverkope maak nou 72% (73%) van alle verkope uit.
Mark is veral tevrede met die Truworths-mansafdeling en Identity se vertoning.
Albei se verkope het met 13% tot onderskeidelik R1,9 miljard en R1,6 miljard geklim.
Die verkope van die Truworths-vroueklere-afdeling, wat 36% van die groep se verkope uitmaak, het met 9% tot R3,7 miljard verbeter.
Die veel kleiner LTD het ook stewig gevaar en sy verkope met 15% tot R405 miljoen opgestoot.
YDE het egter ’n skrale 1% meer verkope (tot R278 miljoen) aangeteken. “YDE se syfers was teleurstellend. Hy behoort egter in die komende maande beter te vaar,” het Mark aan Sake24 gesê. Volgens hom is een van die YDE se grootste probleme dat hy alles plaaslik vervaardig en nie invoer nie, wat produkverkryging bemoeilik.
Die groep se kleinhandelverkope het in die oorsigjaar met 10,7% tot R10 miljard verbeter. Sy aandeel van die vrouekleremark het tot 21,7% (21,2%) uitgebrei en van die manskleremark tot 22,6% (22,4%).
Volgens Mark word stewige groei vir die volgende vyf jaar in Afrika beplan. Hy doen reeds in agt lande sake en beplan uitbreiding daar. In die oorsigjaar is winkels in Lesotho, Zambië en Nigerië oopgemaak en Angola is volgende in die oog.
Die Truworthsgroep het sy aandeel van die vroue- en manskleremark vergroot en ook twee mylpale bereik: Sy kleinhandelverkope het die R10 miljard-kerf verbygesteek en die getal winkels is verby die 600-kerf.
Soos verwag, het die taai kredietomgewing egter Truworths se handel geknou.
“Ons verwag nie dat die kredietomgewing in die komende jaar gaan verbeter nie. Dit gaan steeds druk op rekeninggroei en kredietverkope plaas,” sê Michael Mark, uitvoerende hoof.
Abdul Davids, hoof van navorsing van Kagiso Batebestuur, verduidelik dat kredietkleinhandelaars soos Truworths nou die wind van voor kry, want kredietverkope plat af. In die verlede het dié kleinhandelaars tussen 90% en 100% van hul groei daaraan toegeskryf.
In die oorsigjaar het Truworths se skuldboek met 11% tot R4,2 miljard gegroei.
Sy netto swak skuld as ’n persentasie van die skuldboek het tot 10,4% (7,9%) geklim en sy handelsuitgawes was 16% meer, hoofsaaklik weens debiteurskoste weens die swakker kredietomgewing.
Kredietverkope maak nou 72% (73%) van alle verkope uit.
Mark is veral tevrede met die Truworths-mansafdeling en Identity se vertoning.
Albei se verkope het met 13% tot onderskeidelik R1,9 miljard en R1,6 miljard geklim.
Die verkope van die Truworths-vroueklere-afdeling, wat 36% van die groep se verkope uitmaak, het met 9% tot R3,7 miljard verbeter.
Die veel kleiner LTD het ook stewig gevaar en sy verkope met 15% tot R405 miljoen opgestoot.
YDE het egter ’n skrale 1% meer verkope (tot R278 miljoen) aangeteken. “YDE se syfers was teleurstellend. Hy behoort egter in die komende maande beter te vaar,” het Mark aan Sake24 gesê. Volgens hom is een van die YDE se grootste probleme dat hy alles plaaslik vervaardig en nie invoer nie, wat produkverkryging bemoeilik.
Die groep se kleinhandelverkope het in die oorsigjaar met 10,7% tot R10 miljard verbeter. Sy aandeel van die vrouekleremark het tot 21,7% (21,2%) uitgebrei en van die manskleremark tot 22,6% (22,4%).
Volgens Mark word stewige groei vir die volgende vyf jaar in Afrika beplan. Hy doen reeds in agt lande sake en beplan uitbreiding daar. In die oorsigjaar is winkels in Lesotho, Zambië en Nigerië oopgemaak en Angola is volgende in die oog.
