<p>Al die finansiële woelinge om Pallinghurst en Platmin wat beplan om $250 miljoen by wyse van die uitreiking van nuwe aandele te trek (lees die voorbladartikel), plaas die soeklig opnuut op Wesizwe as 'n moontlike spekulatiewe geleentheid. </p>
<p>Beleggers - hulle moet miskien eerder hardebaard-spekulante genoem word - in die sogenaamde junior mynmaatskappye en prospekteerders weet dat tiendubbele winste of 'n 90%-daling nogal dikwels by dié soort ondernemings voorkom. Dit is lekker om van tyd tot tyd so 'n skoot in dié sektor te waag. </p>
<p>Dit gaan weer taamlik goed met platinum. Die prys het mooi herstel en teen die huidige sowat $1 700 per ons gaan dit ook weer goed met die myne. Die belangrikste is egter dat daar weer geld, noem dit waagkapitaal, beskikbaar is. Aquarius Platinum, lank nie net meer 'n junior nie, het laat in 2009 baie maklik $300 miljoen se waagkapitaal getrek met 'n uitgifte van omskepbare skuldbriewe. Nou lyk dit of daar oral geld beskikbaar is en selfs Platmin gaan nuwe geld kry, nogal by die Hollanders. </p>
<p>Die huidige markwaarde van Platmin op die JSE is R4,3 miljard. In die goeie ou dae, toe beleggers nie genoeg kon kry van junior platinummyne nie, was die markwaarde van Wesizwe by tye meer as R6 miljard. Dit is tans slegs R1,3 miljard. Volgens Wesizwe se heraangestelde uitvoerende hoof, Mike Solomon. is hulle tans hard aan die vry vir Chinese geld. As hulle suksesvol is, sal dit ook 'n eerste vir SA wees. 'n Inspuiting van nuwe waagkapitaal van $300 miljoen of meer sal die aandeel weer een van die spekulante se gunstelinge maak. Sonder nuwe geld sal dit egter maar die weg volg van menige ander juniors regoor die wêreld - verdwyn stadig in die sonsondergang. </p>
<p>Maar nou ja, dit is geleenthede soos dié wat maak dat die aandele van prospekteerders en junior mynmaatskappye steeds so gewild is in lande soos Kanada, Australië en ook SA. Die waagmoed van myners is nog daar, al doen ons dit nie vandag meer met 'n pik en graaf en prospekteerpannetjie nie. </p>
<p>Waag gerus 'n ietsie op Wesizwe teen die huidige aandeelprys van 230c. Dit is nog dieselfde as 'n jaar gelede. </p>
<p><img src='http://www.fin24.com/downloads/Media/article_images/fwafr_img/2007/sep/a_wes290410.gif'> </p>
<p>Beleggers - hulle moet miskien eerder hardebaard-spekulante genoem word - in die sogenaamde junior mynmaatskappye en prospekteerders weet dat tiendubbele winste of 'n 90%-daling nogal dikwels by dié soort ondernemings voorkom. Dit is lekker om van tyd tot tyd so 'n skoot in dié sektor te waag. </p>
<p>Dit gaan weer taamlik goed met platinum. Die prys het mooi herstel en teen die huidige sowat $1 700 per ons gaan dit ook weer goed met die myne. Die belangrikste is egter dat daar weer geld, noem dit waagkapitaal, beskikbaar is. Aquarius Platinum, lank nie net meer 'n junior nie, het laat in 2009 baie maklik $300 miljoen se waagkapitaal getrek met 'n uitgifte van omskepbare skuldbriewe. Nou lyk dit of daar oral geld beskikbaar is en selfs Platmin gaan nuwe geld kry, nogal by die Hollanders. </p>
<p>Die huidige markwaarde van Platmin op die JSE is R4,3 miljard. In die goeie ou dae, toe beleggers nie genoeg kon kry van junior platinummyne nie, was die markwaarde van Wesizwe by tye meer as R6 miljard. Dit is tans slegs R1,3 miljard. Volgens Wesizwe se heraangestelde uitvoerende hoof, Mike Solomon. is hulle tans hard aan die vry vir Chinese geld. As hulle suksesvol is, sal dit ook 'n eerste vir SA wees. 'n Inspuiting van nuwe waagkapitaal van $300 miljoen of meer sal die aandeel weer een van die spekulante se gunstelinge maak. Sonder nuwe geld sal dit egter maar die weg volg van menige ander juniors regoor die wêreld - verdwyn stadig in die sonsondergang. </p>
<p>Maar nou ja, dit is geleenthede soos dié wat maak dat die aandele van prospekteerders en junior mynmaatskappye steeds so gewild is in lande soos Kanada, Australië en ook SA. Die waagmoed van myners is nog daar, al doen ons dit nie vandag meer met 'n pik en graaf en prospekteerpannetjie nie. </p>
<p>Waag gerus 'n ietsie op Wesizwe teen die huidige aandeelprys van 230c. Dit is nog dieselfde as 'n jaar gelede. </p>
<p><img src='http://www.fin24.com/downloads/Media/article_images/fwafr_img/2007/sep/a_wes290410.gif'> </p>