Kommoditeitspryse styg skerp. En terwyl daar altyd risiko’s en onbekende faktore in mynbou en hulpbronne is, lyk dit of pryse gaan bly styg. Dit lok heelwat beleggingsbelangstelling.
Die probleem vir SA beleggers is dat die kommoditeitsmaatskappye en die prestasie van aandeelpryse nie altyd die vraag na en die prys van die kommoditeit weerspieël nie. Gebruik goud as voorbeeld: Die genoteerde goudmynmaatskappye is waarskynlik die slegste manier om blootstelling aan die goudprys te verkry. Beleggers moet ook ’n bepaalde siening hê van die kommoditeit wat hulle wil koop – nie almal sal saam met die gety styg nie.
Dis in dié verband dat African Rainbow Minerals [JSE:ARM] (ARM), wat dikwels misgekyk word, ’n oortuigende opsie bied. Sy belange deur filiale, verwante maatskappye en gesamentlike ondernemings bied ’n wyd gediversifiseerde portefeulje kommoditeite.
Maar hoewel die vraag sterk is, beleef ARM beperkinge aan die aanbodkant, hoofsaaklik van Transnet. In die onlangse tussentydse resultate is verskeie kere verwys na die impak van ontsporings en die “voortgesette onderprestasie” van Transnet Freight Rail op die uitvoervolume van verskeie kommoditeite.
Terwyl dit nie ’n beperking is nie, steun hy sterk op China. Patrice Motsepe, uitvoerende voorsitter, sê in sy kommentaar by die tussentydse resultate dat die beduidende verbetering van die kommoditeitmarkte in die tweede helfte van 2010 hoofsaaklik deur ’n sterk vraag van China aangedryf is. Dit sal waarskynlik voortduur, maar hoe hoër pryse styg, hoe versigtiger behoort uitvoerders te wees. China het al gewys dat hy meesterlik by die pryse van kommoditeite kan inmeng.
Die probleem vir SA beleggers is dat die kommoditeitsmaatskappye en die prestasie van aandeelpryse nie altyd die vraag na en die prys van die kommoditeit weerspieël nie. Gebruik goud as voorbeeld: Die genoteerde goudmynmaatskappye is waarskynlik die slegste manier om blootstelling aan die goudprys te verkry. Beleggers moet ook ’n bepaalde siening hê van die kommoditeit wat hulle wil koop – nie almal sal saam met die gety styg nie.
Dis in dié verband dat African Rainbow Minerals [JSE:ARM] (ARM), wat dikwels misgekyk word, ’n oortuigende opsie bied. Sy belange deur filiale, verwante maatskappye en gesamentlike ondernemings bied ’n wyd gediversifiseerde portefeulje kommoditeite.
Maar hoewel die vraag sterk is, beleef ARM beperkinge aan die aanbodkant, hoofsaaklik van Transnet. In die onlangse tussentydse resultate is verskeie kere verwys na die impak van ontsporings en die “voortgesette onderprestasie” van Transnet Freight Rail op die uitvoervolume van verskeie kommoditeite.
Terwyl dit nie ’n beperking is nie, steun hy sterk op China. Patrice Motsepe, uitvoerende voorsitter, sê in sy kommentaar by die tussentydse resultate dat die beduidende verbetering van die kommoditeitmarkte in die tweede helfte van 2010 hoofsaaklik deur ’n sterk vraag van China aangedryf is. Dit sal waarskynlik voortduur, maar hoe hoër pryse styg, hoe versigtiger behoort uitvoerders te wees. China het al gewys dat hy meesterlik by die pryse van kommoditeite kan inmeng.