Dow Jones neig opwaarts

Handelaars en beleggers van oor die wêreld heen wag gretig op nuus uit Amerika – of die regering wanbetaling sal voorkom. Wat ook al gebeur, lê markwisselvalligheid voor. Ons bekyk ’n grafiek van die Dow Jones-nywerheidsgemiddelde, wat tans in ’n senuagtige sywaartse baan is. Ons bekyk ook ’n grafiek van Standard Bank. Sy aandeelprysbeweging was bra traag, maar bied verhandelingsgeleenthede in albei rigtings.

DOW JONES – Senuagtig

Tendense: Opwaarts op kort en lang termyn. Sywaarts op mediumtermyn.

Strategie: Verhandeling in die rigting waarin hy uitbreek.

* Die Dow het in Mei en Junie ’n breër wordende formasie gevorm en het sy minimum stygteiken bereik.

* Hy verhandel op kort termyn tussen lyn 3 en 4; hy vorm in die proses ’n “potensiële” dubbele piekpatroon. ’n Sluiting onder lyn 3 (12 295) is nodig om dié patroon te bevestig. ’n Dubbele piek is ’n negatiewe patroon solank die prys onder sy steunvlakke (in dié geval lyn 3) sluit.

* Die korttermyn- stogastiese ossillator (bo) dui op negatiewe divergensie, dit wil sê hy mik nie na nuwe hoogtes nie, wat op die kort termyn negatief is.

* Wag om te sien in watter rigting hy uitbreek. As hy twee opeenvolgende dae bo lyn 4 (12 752) sluit, koop dan vir ’n lopie na 13 200. Maar ’n sluiting onder lyn 3 (12 295) sal ’n teken wees om kort te verkoop vir ’n daling waardeur hy weer sy laagtepunt vir Junie van 11 860 toets.

* As hy uitbreek, is die keerverlies ’n sluiting onder 12 570. En vir ’n afwaartse daalverkoopsein is die keerverlies ’n sluiting bo 12 550.

STANBANK – Sywaarts

Tendense: Sywaarts.

Strategie: Koop by steun of verkoop kort by weerstand.

* Standard Bank is in ’n sywaartse patroon tussen lyn 1 en 2. Daarby vorm lyn 1 en 3 ’n dalende driehoek. Daar is baie weerstand op die vlak van 10 170c-10 240c (wat deur lyn 3 en 2 gevorm word). Gevolglik sal hy nie maklik deur dié vlak breek nie.

* Die korttermyn- stogastiese ossillator (bo) is relatief oorverkoop (positief).

* Verhandel aan die grense tussen lyn 1 (9 505c) en lyn 2 (die 10 200c-vlak) – dit wil sê, koop by lyn 1 of verkoop kort by die 10 200c-vlak. Doen wat ook al eerste gebeur.

* As jy op of naby 10 200c kort verkoop, sal die teiken 9 750c wees om die helfte van die verhandelingswins te neem, en die res van die wins nader aan lyn 1 (9 505c). As jy op of naby lyn 1 koop, sal die teiken 10 150c-10 200c wees. Die keerverliese sal buite die grense wees – dit wil sê, vir kort verkope sal dit ’n sluiting bo 10 260c en vir aankope ’n sluiting onder 9 500c wees.

* Wanneer hy uiteindelik uitbreek, raak betrokke in die rigting waarin hy uitbreek – dit wil sê, koop met ’n sluiting bo 10 250c of verkoop kort met ’n sluiting onder 9 500c vir ’n beweging van 600c per aandeel.

* Vir nog aanbevelings en grafieke van aandele, aandeelindekse en kommoditeite deur die skrywer, besoek www.themarket.co.za.