IN ’n land met ernstige werkloosheid – selfs onder matrikulante met tersiêre kwalifikasies – besef mense al hoe meer dat dit noodsaaklik is om bemarkbare vaardighede te hê.
Programmatuurontwikkeling is ’n sektor van die arbeidsmark waar dit volgens Unisa se sentrum vir programmatuur-ingenieurswese (Cense) moontlik is om werk te kry. “Selfs al is iemand gelukkig genoeg om ’n werk te hê, kan sy bevorderingsgeleenthede afhang van sy IT-vaardighede en die kwalifikasies wat hy het.”
Die probleem, sê Cense, is dat nie almal dit kan bekostig om voltyds te studeer nie en die meeste studente wil graag minstens die een of ander kwalifikasie taamlik vinnig verwerf sodat hul loopbaan so gou moontlik daarby kan baat vind.
Die sentrum sê dit is noodsaaklik dat die kwalifikasies erken word as komende van ’n instelling met ’n goeie reputasie.
Cense bied verskeie kort studieprogramme aan deur verskillende onderrigmetodes te gebruik. Die eerste is om die tradisionele vorm van afstandsonderrig te gebruik wat Unisa oor dekades heen vervolmaak het. Dit is hoofsaaklik papiergebaseer sodat studente in afgeleë gebiede ook maklik kan deelneem. Die tweede onderrigmetode is om van die internet gebruik te maak, wat weer eens beteken die student kan in die gerief van sy eie woonplek leer.
Hoewel die kort kursusse nie dieselfde toelatingskwalifikasies as Unisa se graadkursusse vereis nie, is ’n graad 12-sertifikaat steeds nodig. Praktiese rekenaarwerk is ook ’n vereiste.
Party van die kort leerprogramme is internet en webontwerp, databasisontwerp, databasisinstelling, ’n inleiding tot Java-programmering, die ontwerp en instelling van telekommunikasienetwerke, inleiding tot inligtingsekuriteit en navorsing in praktiese informatika. n
Programmatuurontwikkeling is ’n sektor van die arbeidsmark waar dit volgens Unisa se sentrum vir programmatuur-ingenieurswese (Cense) moontlik is om werk te kry. “Selfs al is iemand gelukkig genoeg om ’n werk te hê, kan sy bevorderingsgeleenthede afhang van sy IT-vaardighede en die kwalifikasies wat hy het.”
Die probleem, sê Cense, is dat nie almal dit kan bekostig om voltyds te studeer nie en die meeste studente wil graag minstens die een of ander kwalifikasie taamlik vinnig verwerf sodat hul loopbaan so gou moontlik daarby kan baat vind.
Die sentrum sê dit is noodsaaklik dat die kwalifikasies erken word as komende van ’n instelling met ’n goeie reputasie.
Cense bied verskeie kort studieprogramme aan deur verskillende onderrigmetodes te gebruik. Die eerste is om die tradisionele vorm van afstandsonderrig te gebruik wat Unisa oor dekades heen vervolmaak het. Dit is hoofsaaklik papiergebaseer sodat studente in afgeleë gebiede ook maklik kan deelneem. Die tweede onderrigmetode is om van die internet gebruik te maak, wat weer eens beteken die student kan in die gerief van sy eie woonplek leer.
Hoewel die kort kursusse nie dieselfde toelatingskwalifikasies as Unisa se graadkursusse vereis nie, is ’n graad 12-sertifikaat steeds nodig. Praktiese rekenaarwerk is ook ’n vereiste.
Party van die kort leerprogramme is internet en webontwerp, databasisontwerp, databasisinstelling, ’n inleiding tot Java-programmering, die ontwerp en instelling van telekommunikasienetwerke, inleiding tot inligtingsekuriteit en navorsing in praktiese informatika. n