Publications
Partners
Die verwagte terugkeer van Holdsport, ’n kleinhandelaar in sport-en-ontspanningsgoedere, na die JSE later vanjaar sal waarskynlik die beurs se spesialis-kleinhandelsektor interessanter maak. Hy was vroeër as Moresport genoteer.
Die laat 1990’s was vir hom ’n moeilike tydperk as ’n openbare maatskappy. In November 2000 het hy weer ’n private maatskappy geword. Hy keer in nóg ’n uiters mededingende tydperk in die kleinhandelmark na die beurs terug.
Holdsport se twee hoof-kleinhandelkettings is Sportsmans Warehouse, ’n netwerk van 33 sportwinkels, en Outdoor Warehouse, 18 winkels wat buitelug- en kampeertoerusting verkoop. Hy het ook ’n strategiese belang in First Ascent, ’n onafhanklik bestuurde onderneming wat klerasie aan die sportgoederebedryf verskaf. Die private-ekwiteitmaatskappy Ethos het hom in 2006 ná ’n onsuksesvolle aanbod deur die groothandelgroep Massmart vir R681 miljoen gekoop. Ethos besit 70% en die res behoort aan die bestuur.
Abdul Davids, navorsingshoof van Kagiso Asset Management, sê Moresport het te veel skuld gehad toe hy in 2000 gedenoteer het.
Kevin Hodgson, groep- uitvoerende hoof, sê die hoofrede vir die beplande notering is dat Ethos sy belegging wil verkoop, en die beste manier om dit te doen, is deur ’n notering. As ’n groep wat op ’n nismark fokus, het hy nie ’n aggressiewe plan om winkels oop te maak nie. Hodgson sê hy sal twee of drie winkels per jaar byvoeg.
Die JSE het nie veel spesialiskleinhandelaars nie. Holdsport ding in beperkte mate teen groepe soos Totalsports (wat deur The Foschini Group besit word) met sportklerasie mee, maar sy handelsware is hoofsaaklik sport- en buitelugtoerusting. Die kleinhandelontleder Chris Gilmour van Absa Investments sê Holdsport is vanweë sy fokus op ’n nismark waarskynlik ’n hoëmarge-onderneming. Hy sê daar is waarskynlik plek vir hom op die JSE. Hy is egter ’n bietjie oor die tydsberekening vir die notering besorg. Verbruikersbesteding is nie tans so sterk as wat dit behoort te wees nie, wat Holdsport negatief kan raak. Davids sê al het die groep ’n nis, verteenwoordig sy handelsware diskresionêre aankope.
Holdsport het ’n omset van sowat R1,1 miljard per jaar en sterk kontantvloei.
Die laat 1990’s was vir hom ’n moeilike tydperk as ’n openbare maatskappy. In November 2000 het hy weer ’n private maatskappy geword. Hy keer in nóg ’n uiters mededingende tydperk in die kleinhandelmark na die beurs terug.
Holdsport se twee hoof-kleinhandelkettings is Sportsmans Warehouse, ’n netwerk van 33 sportwinkels, en Outdoor Warehouse, 18 winkels wat buitelug- en kampeertoerusting verkoop. Hy het ook ’n strategiese belang in First Ascent, ’n onafhanklik bestuurde onderneming wat klerasie aan die sportgoederebedryf verskaf. Die private-ekwiteitmaatskappy Ethos het hom in 2006 ná ’n onsuksesvolle aanbod deur die groothandelgroep Massmart vir R681 miljoen gekoop. Ethos besit 70% en die res behoort aan die bestuur.
Abdul Davids, navorsingshoof van Kagiso Asset Management, sê Moresport het te veel skuld gehad toe hy in 2000 gedenoteer het.
Kevin Hodgson, groep- uitvoerende hoof, sê die hoofrede vir die beplande notering is dat Ethos sy belegging wil verkoop, en die beste manier om dit te doen, is deur ’n notering. As ’n groep wat op ’n nismark fokus, het hy nie ’n aggressiewe plan om winkels oop te maak nie. Hodgson sê hy sal twee of drie winkels per jaar byvoeg.
Die JSE het nie veel spesialiskleinhandelaars nie. Holdsport ding in beperkte mate teen groepe soos Totalsports (wat deur The Foschini Group besit word) met sportklerasie mee, maar sy handelsware is hoofsaaklik sport- en buitelugtoerusting. Die kleinhandelontleder Chris Gilmour van Absa Investments sê Holdsport is vanweë sy fokus op ’n nismark waarskynlik ’n hoëmarge-onderneming. Hy sê daar is waarskynlik plek vir hom op die JSE. Hy is egter ’n bietjie oor die tydsberekening vir die notering besorg. Verbruikersbesteding is nie tans so sterk as wat dit behoort te wees nie, wat Holdsport negatief kan raak. Davids sê al het die groep ’n nis, verteenwoordig sy handelsware diskresionêre aankope.
Holdsport het ’n omset van sowat R1,1 miljard per jaar en sterk kontantvloei.
