TOP NUUS
Maak die wapenwond skoon
Al hoe meer bewyse van ’n korrupte wapentransaksie kom na vore en die druk op die Valke neem toe om die ondersoek te heropen. Die jongste is dat die Britse wapenreus BAE Systems meer as R100 miljoen aan die staatsraadgewer Fana Hlongwane betaal het.
WAT ANDER SÊ
THE TIMES sê pres. Jacob Zuma is dit aan SA verskuldig om die jongste wapen-aantygings te verduidelik – “die mees komplekse, morsige en betwiste saketransaksie van die nuwe SA”. BEELD sê die onwilligheid – of is dit vrees? – van die regering om die wapenskandaal behoorlik te ondersoek, gaan dit nie laat verdwyn nie. Dit is ’n wond wat gaan bly sweer as dit nie behoorlik skoongemaak word nie.
Kritiese stem is stil
Kader Asmal, oudminister wat in 2007 uit die parlement bedank het omdat hy teen die ontbinding van die Skerpioene gekant was, is wyd geloof vir sy volgehoue pogings om onreg te ontbloot. Asmal (76), wat kanker gehad het, is ná ’n hartaanval oorlede.
WAT ANDER SÊ
THE STAR sê Asmal was ’n man met beginsels en was nooit bang om die waarheid te praat nie. SUNDAY TIMES wys op ’n leeftyd van diens en sê hy het vir waarheid geveg, soos sy sterk uitsprake teen die beoogde inligtingswet van getuig. THE CITIZEN beskryf hom as “dapper en energiek” en iemand wat oor baie jare heen ’n verskil gemaak het. THE NEW AGE sê dat hy, in die kader van die tyd, eerlike en geregverdigde kritiek gelewer het.
Besoek was inspirerend
Michelle Obama, Amerikaanse presidentsvrou, se weeklange toer in Suider-Afrika is verby en as uiters suksesvol geloof. Sy het gesê Afrika is ’n baie belangrike vennoot van die ineengeskakelde wêreld om armoede uit te skakel en demokrasie te bevorder.
WAT ANDER SÊ
THE TIMES meen dat Obama se besoek aan SA en Botswana ’n skouspelagtige sukses was. THE NEW AGE sê haar gesprekke met veral jong mense en vroue is onmoontlik om te ignoreer en dat miljoene desperate mense deur haar filosofie van “ja, ons kan” geïnspireer is. THE STAR meen egter dat die Amerikaanse president self hier moet aandoen om eerstehands oor sy land se gekritiseerde beleid te praat.
ANC moet gelei word
Verskeie sakeleiers, insluitend die mynbouleiers Mark Cutifani en Bobby Godsell, het hulle sterk ten gunste van eksterne leiding aan die ANC-regering uitgespreek om die ontsteltenis oor nasionaliserings- en ander gerugte te ontlont. ANC-leierskap was ook in die spervuur.
WAT ANDER SÊ
SUNDAY TIMES maan dat SA se groot maatskappye veels te beskroomd optree wanneer uiters belangrike landsake ter sprake is. Die private sektor moet bevestig dat hy ’n baie beter kans as die regering het om werk te skep en ekonomiese groei te bewerkstellig. RAPPORT en MAIL & GUARDIAN maan dat SA nie langer die ANC se “oorverdowende stilte” oor sake wat beleggers bekommer, kan bekostig nie.
HOE SÊ?
‘Die ANC is nie ’n stokvel nie; hy is ’n politieke party. Ons ontwikkel nie beleid op ons voete nie en neem nie net beleid aan omdat ’n groep baie te sê het oor dinge soos die nasionalisering van myne nie.’– GWEDE MANTASHE, sekretaris-generaal van die ANC.
‘SA se sakesektor moes nie net meer gepraat het oor knelpunte soos werkloosheid, armoede en ongelykheid nie – ons moes meer gedoen het.’ – BOBBY GODSELL, voorsitter van BLSA, ’n vereniging van SA se topmaatskappye, oor groter betrokkenheid by beleidsake.
‘Beursverhandelde fondse (ETF’s) moet beter geadverteer word en mense wat onder meer hul bedenkinge oor die opbrengste van aftree-annuïteite het, moet oor hul voordele ingelig word.’ – MIKE BROWN, besturende direkteur van die aanlynmakelaar EtfSA.
‘Walmart se spesiale aanbiedinge by Massmart-filiale is nie net op die kort termyn gemik nie; dit verander die mark.’ – GRANT PATTISON, uitvoerende hoof van Massmart, oor dié groep se reeks prysverlagings, wat tot tien weke duur teenoor SA kleinhandelaars se gebruik van slegs enkele dae.
Maak die wapenwond skoon
Al hoe meer bewyse van ’n korrupte wapentransaksie kom na vore en die druk op die Valke neem toe om die ondersoek te heropen. Die jongste is dat die Britse wapenreus BAE Systems meer as R100 miljoen aan die staatsraadgewer Fana Hlongwane betaal het.
WAT ANDER SÊ
THE TIMES sê pres. Jacob Zuma is dit aan SA verskuldig om die jongste wapen-aantygings te verduidelik – “die mees komplekse, morsige en betwiste saketransaksie van die nuwe SA”. BEELD sê die onwilligheid – of is dit vrees? – van die regering om die wapenskandaal behoorlik te ondersoek, gaan dit nie laat verdwyn nie. Dit is ’n wond wat gaan bly sweer as dit nie behoorlik skoongemaak word nie.
Kritiese stem is stil
Kader Asmal, oudminister wat in 2007 uit die parlement bedank het omdat hy teen die ontbinding van die Skerpioene gekant was, is wyd geloof vir sy volgehoue pogings om onreg te ontbloot. Asmal (76), wat kanker gehad het, is ná ’n hartaanval oorlede.
WAT ANDER SÊ
THE STAR sê Asmal was ’n man met beginsels en was nooit bang om die waarheid te praat nie. SUNDAY TIMES wys op ’n leeftyd van diens en sê hy het vir waarheid geveg, soos sy sterk uitsprake teen die beoogde inligtingswet van getuig. THE CITIZEN beskryf hom as “dapper en energiek” en iemand wat oor baie jare heen ’n verskil gemaak het. THE NEW AGE sê dat hy, in die kader van die tyd, eerlike en geregverdigde kritiek gelewer het.
Besoek was inspirerend
Michelle Obama, Amerikaanse presidentsvrou, se weeklange toer in Suider-Afrika is verby en as uiters suksesvol geloof. Sy het gesê Afrika is ’n baie belangrike vennoot van die ineengeskakelde wêreld om armoede uit te skakel en demokrasie te bevorder.
WAT ANDER SÊ
THE TIMES meen dat Obama se besoek aan SA en Botswana ’n skouspelagtige sukses was. THE NEW AGE sê haar gesprekke met veral jong mense en vroue is onmoontlik om te ignoreer en dat miljoene desperate mense deur haar filosofie van “ja, ons kan” geïnspireer is. THE STAR meen egter dat die Amerikaanse president self hier moet aandoen om eerstehands oor sy land se gekritiseerde beleid te praat.
ANC moet gelei word
Verskeie sakeleiers, insluitend die mynbouleiers Mark Cutifani en Bobby Godsell, het hulle sterk ten gunste van eksterne leiding aan die ANC-regering uitgespreek om die ontsteltenis oor nasionaliserings- en ander gerugte te ontlont. ANC-leierskap was ook in die spervuur.
WAT ANDER SÊ
SUNDAY TIMES maan dat SA se groot maatskappye veels te beskroomd optree wanneer uiters belangrike landsake ter sprake is. Die private sektor moet bevestig dat hy ’n baie beter kans as die regering het om werk te skep en ekonomiese groei te bewerkstellig. RAPPORT en MAIL & GUARDIAN maan dat SA nie langer die ANC se “oorverdowende stilte” oor sake wat beleggers bekommer, kan bekostig nie.
HOE SÊ?
‘Die ANC is nie ’n stokvel nie; hy is ’n politieke party. Ons ontwikkel nie beleid op ons voete nie en neem nie net beleid aan omdat ’n groep baie te sê het oor dinge soos die nasionalisering van myne nie.’– GWEDE MANTASHE, sekretaris-generaal van die ANC.
‘SA se sakesektor moes nie net meer gepraat het oor knelpunte soos werkloosheid, armoede en ongelykheid nie – ons moes meer gedoen het.’ – BOBBY GODSELL, voorsitter van BLSA, ’n vereniging van SA se topmaatskappye, oor groter betrokkenheid by beleidsake.
‘Beursverhandelde fondse (ETF’s) moet beter geadverteer word en mense wat onder meer hul bedenkinge oor die opbrengste van aftree-annuïteite het, moet oor hul voordele ingelig word.’ – MIKE BROWN, besturende direkteur van die aanlynmakelaar EtfSA.
‘Walmart se spesiale aanbiedinge by Massmart-filiale is nie net op die kort termyn gemik nie; dit verander die mark.’ – GRANT PATTISON, uitvoerende hoof van Massmart, oor dié groep se reeks prysverlagings, wat tot tien weke duur teenoor SA kleinhandelaars se gebruik van slegs enkele dae.